Fran Pérez [NARF]

( Santiago 1968)

Compositor e  intérprete   que reparte a súa actividade entre o mundo da canción, a composición por encargo e o teatro.

Publicou  tres discos baixo nome artístico de NARF.

ALO IRMAO, Falcatruada  2010,  CD-DVD gravado  en directo, en compañía do artista guineano, Manecas Costa , no teatro Proncipal de Santiago de Compostela. O disco acadou O Nº 1 No TOP TEN da RTP AFRICA, tres semanas  en Agosto de 2010.  Radiado tamén en emisoras como a BBC ( The world on 3 ) ou Radio 3, recibiu excelentes críticas no ámbito da world music. Foi un dos espectáculos máis aclamados do WOMEX 2009.

TOTEM, Falcatruada 2007. O CD contén temas  cómo  “Quero ser tambor”, ampliamente difundido  en Países como Mozambique ou Brasil, e “Santiago”, canción coa que acadou o      2ºPOSTO  no concurso da canción en linguas minorizadas europeas ,  no festival LIET LAVLUT, SUECIA. 

Narf  DIRECTO EN COMPOSTELA ( CHANGÜI 2003) Primeiro disco do proxecto Narf. Con este disco realizou una  xira por España compartindo escenario  e micrófono con Javier Muguruza  e Miquel  Gil, nun espectáculo conxunto chamado MUNDO CAFÉ.

Ademáis realizou o proxecto BUMBA en 2005, convidando a catro artistas Mozambicanos pertencentes ao grupo TIMBILA MUZIMBA , sendo un dos primeiros artistas que propuxeron a fusión da guitarra eléctrica co instrumento tradicional Chopi, a timbila, que ten o recoñecemento de patrimonio universal da cultura pola UNESCO. O espectáculo presentouse en Galiza e en Maputo, Mozambique.

Presentou os seus concertos  en importantes teatros de   LONDRES, ( LONDON CITY FESTIVAL,), SALVADOR DE BAHíA, SAO PAULO, PORTOALEGRE,  NITEROI, RECIFE; NEW CASTTLE, BRIGHTON, RIO DE JANEIRO, BUENOS AIRES ( BAFIM),  SEVILLA ( WOMEX), NOVA DELHI, KATMANDÚ, MAPUTO, VARSOVIA, CRACOVIA,  BISSAU, MINDELO, LISBOA, MADRID, BARCELONA,  etc

Foi membro de grupos como PSICOFONICA DE CONXO, OS KININDIOLA ou NICHO VARULLO. 

.

Como compositor para teatro ou espectáculos destacan os seguintes premios.

Premio da crítica, BARCELONA 1995, ao MELLOR MUSICAL DO ANO  pola ópera cómica, ANNUS HORRIBILIS, con libreto de Pepe Sendón

Cinco premios MARIA CASARES á mellor música polos espectáculos RIO BRAVO, FINIS MUNDI CIRCUS, ANNUS HORRIBILIS, SIDECAR,  O SEGREDO DOS HOFFMAN, ademáis outras nominacións por obras como , A BOA PERSOA DE SAZUÄN, MEMORIA DE HELENA E MARIA.

Premio MESTRE MATEO ao mellor curta  de animación, por un dos capítulos da obra musical , “O Labirinto dos Soños”, con texto e dirección de Pepe Sendón.

Ademáis recibiu encargos de composición para espectáculos diarios nas EXPOS de LISBOA, HANNOVER e ZARAGOZA, espectáculos producidos todos eles pola compañía portuguesa TRIGO LIMPO teatro ACERT

Compuxo a obra sinfónica “ A canción das árbores danzantes”, estreada  pola orquesta  Filarmónica de Galicia na praza do Obradoiro , en Compostela, con motivo da toma de posesión do presidente da Xunta.

Compuxo tamén máis dunha trintena de bandas sonoras para producción teatrais de diferentes compañías en Galicia e Portugal, destacando  composicións para o CDG, como SALOME ou A BOA PERSOA DE SEZUÁN, ou outras como  o evento multitudinario “ A QUEIMA DO JUDAS”, que reúne a máis de trescentos artistas cada ano en Tondela, Portugal.  Producido por TRIGO LIMPO- ACERT, leva máis dunha década  sendo o autor da música, e director musical do espectáculo,

No mundo do audiovisual, destaca a súa participación como compositor no filme de animación  para nenos “O Labirinto dos soños”, , ademáis de diversos traballos no ámbito dos documentais, como “ Galicia Une”.

Foi un dos  fundadores  da sala NASA en 1992, onde  ademáis de outras labores compuxo ducias de cancións para a BANDA DA NASA ata o ano 1998 en que abandona  o proxecto.

Ademáis, ten participado como actor en algunas montaxes teatrais, orixinalmente como membro da compañía chévere ( Maquina total, Annus Horribilis…). No ano 98 intrepretou o papel protagonista da montaxe SEBASTIAO MENINO REI, con libreto de Sinde Filipe, e música de LAURENT FILIPE, obra estreada na EXPO LISBOA.

Recentemente participa tamén como actor na montaxe do CDG A OPERA DOS TRES REAS, de Bertold Brecht e Kurt Weill, protagonizada por Luis Tosar.